白 话广州
早几日，喺茶楼打趸，听到两位广州师奶喺度议论22号《信息时报》上面嘅一条标题。
其中一位讲：呢条标题讲“房前种花种菜……”，喺间房前面点种嘢啊？另一位随即解释到：人家呢个“房”系讲屋，唔系你讲瞓觉嗰种房。
其实，两位师奶都讲得有道理。
虽然讲，“房”同“屋”两字讲嘅意思都系一样，但喺粤语使用上系有区别嘅。
外省人将住宅通常系叫做房子，买住宅叫做买房，出租住宅嘅人叫做房东。而广州街坊住宅通常系叫做屋，买住宅叫做买屋，出租住宅嘅人叫做屋主。
广州人“屋”嘅叫法仲引申出屋企、屋契等词汇。
至于粤语中嘅“房”字，如果组词放前面时，系读“防”，多指整个物业，如房屋、房产等。如组词放后面或单独用，系读“仿”，多指房间，如睡房、厨房。亦正因为咁，本文开头第一位师奶嘅思维模式一下子冇转换过嚟，就将“房前种……”误为系喺房间前面种嘢。
粤语中将住宅叫做“屋”，其实又系同古汉语有关，大家留意下古代成语：高屋建瓴、爱屋及乌、金屋贮娇等，都系将住宅表述为屋嘅。
◎阿六 律师
【来源：信息时报】
声明：此文版权归原作者所有，若有来源错误或者侵犯您的合法权益，您可通过邮箱与我们取得联系，我们将及时进行处理。邮箱地址：jpbl@jp.jiupainews.com
未经允许不得转载：月牙装修网 » 房怎么读(房字读音是什么)
